فلسطين بطولها لهاني آدم

 فلسطين بطولها لهاني آدم

الجمعه  2-11-2023 9:06 | كتب: احمد فكري فايز

 فلسطين بطولها لهاني آدم-اخبار الدقهليه



فلسطين_بطولها

#قدر_غزه

قدر غزه تفضل تحارب بطولها
و كل العرب بين عويل أو مهاود
قدر غزه فارد 
جناح الكرامه
و حالف ما يركع ليوم القيامه
......
و كل العرب بين عايش بس ميت
و بين حى ماتت فى قلبه الشهامه
قدر غزه تفضل تحارب بطولها
.......
قدر غزه تفضل تلم اللى فاضل
من الإنسانيه و تغزل فى توب
بطوب بين كفوف الصبى و البنيه
يا زفة عريس 
لسه مالاقاش صبيه
......
فلسطين يا طين مروى دم الكرامه
مفيش فينا راجل و لا خيال زعيم
هنشجب نندد و نرفع علامه
عن النصر و احنا الهزيمه ف دمانا
ما بين حى عايش بذل الخضوع
و ميت بيتنفس التضحيات
......
ده كل اللى ماتوا فى أرضك يا غزه
حياتهم براح
و كل اللى عايشين و شايفين و ساكتين
غناهم نواح
.......
حياتهم حرام و اللى جاى كل ذل 
يا أهل الفضيله
فلسطين بطولها و شعاراتكوا فلصوا
دموعكم و دعمكوا فى الأصل خلصوا
مسكن تمام لاللى عاوز ينام
و لسه الشهامه بتفرك فى روحه
و محبوس فى ضعفه و مسلوب فى بوحه
.........
يا دوب بس بتهدى غصة ضماير 
غلبها النعاس
و ناس عامله نفسها شايله القضيه
على كتاف #حماس
........
فلسطين بطولها فى ساحة الرجوله
و كل العرب بره قفص الأسود
بنبعتلهم لما فوق يسمحولنا 
و نفتحلهم لما ناخد التمام
فلسطين بطولها

#هانى_آدم

إرسال تعليق

أحدث أقدم

نموذج الاتصال